U21 – Matchbericht 3.12.23

Mir hei hüt der erst Match gäg Giffers gspiut . Ir erste Haubzyt heimer sehr klar dominiert u gad ir zwöite Spiuminute äs Gou gschosse. Mir hei gäg vore guet gspiut. Leider heimer zwöi doofi Gou becho, wüu mer hinger nid ganz suber hei zue tah. So simer mitere 3:2 Füehrig id Pouse. Gad nach der Pouse het Giffers der Usglich gmacht. Mir si i dere Haubzyt nüme so überläge gsi u heis nüme id Füehrig gschafft. Ds Spiu ändet auso im Unentschide und mir näme ei witere Punkt mit.

Der zwöit Match heimer gäge Lok Reinach gha. Mir hei scho gli z erste Gou chönne mache. Mit Geduld heimer vore di Gou gschosse. Hinger heimer Lok aber z viu Müglechkeite zum schiesse gäh. Dank guete Blöck und starke Safes vor Talina im Gou, hei si kes Gou chönne erzile. Mitere 3:0 Füehrig gömer id Pouse. Ir zwöite Haubzyt heimer besser gäg hinger gschaffet u au zäme besser verteidiget. Am Schluss het Lok no der Goalie usegnoh u eis Gou chönne mache. Mir gwinne dä Match mit 4:1 u näme nach däm Tag 3 Pünkt mit.