U21 – Gruppensieger 23/24 🥳🏆

Am Morge früeh hei mir üs mitem Car ufe Wäg richtig Aarou gmacht. Dert acho hei mir üs bereit gmacht zum Ihloufe. Nachem ne guete Ihschiesse si mir i de Linie zäme ghocket u hei nomau d Freistöss ud Uslösige agluegt. Top motiviert si mir i üse erst Match gäge Aergera Giffers gstartet. Mir hei genau gwüsst, dases um aus oder nüt geit. Jedi einzelni het ihre Wiue zeigt u jedi isch für jedi gange. Dr Match isch üs guet glückt u si churz vor Schluss 3:0 in Füehrig gsi. I de letschte Minute het Aergera ds 1:3 chönne erziele. Mit üsem Teamzämehaut hei mir bis zum Schluss kämpft u somit hei mir dä Match chönne gwinne. So hei mir üsi erste zwöi Pünkt chönne sammle.

Im zwöite Match gäge Lok hei mir chli Startschwirigkeite gha u si 1:0 im Rückstang gsi. Mit aune Chräft hei mir ds 1:1 chönne erziele u aschliessend ds 1:2. Da mir dä Match gwunne hei, und Aergera im Match vorhär no gäg d’Bern Capitals verlore het, si mir somit Gruppesiger 2023/24. Iz gits für üs no ei Meisterschaftsrundi u denn d Playoffs gege di andere Gruppesieger für ume Ufstig chönne ds spile.