U21 – Glungnige Saisonstart

Ändlech isches sowit u di ersti Meisterschaftsrundi steit vor dr Tür. Üsi Fahrt het scho früeh gstartet, am 6i simer ds Chonu losgfahre. Ds Reinach AG ahcho, heimernis afa ufwerme u hei nis chönne a Hauebode gwöhne.
Am 9:00 Uhr isch Ahpfiff gsi, gäge d‘Eagles. Mir hei gwüsst das mir ds chü schaffe abers de glich knapp chönnt wärde. Mir si grundsätzlech guet ih Match gstartet, jedoch heimer glich geng wieder chlini blödi Fähler gmacht. Im Match simer dominat gsi, jedoch heimer vor d‘Goal nid gmacht. Ir 35te Minute isch näre ds erschte lang ersehnte Goal gfaue. Nach dere Erlöhsig, isch de näre gli drufabe no ds 2:0 u ds 3:0 gfaue. Somit heimer üse erscht Match gwunne.
Im zwöiite Match heimer näre uf Aarou troffe, wo niemer gnau het gwüsst was ufnis zuechunt. Mir hei vo Afang ah chönne dominiere, trotz em Druck vo Aarou. Somit isch nach dr erste Haubziz 2:0 gsi. Mir hei üs für di zwöiiti Haubzit vorgno genau so witer ds mache. Mitem Wiue u dr Ungerstützig vom ganze Team heimer no chönne ds 3:0 schiesse. Zwöii Minute vor Schluss heimer no ä 2 Minute übercho. Oh das hetnis nid vom Sieg abghaute.
Dämentsprächend heimer üses Tagesziel erreicht u hei di 4 Pünkt ghout.

Autorin: Leonie Moser