U21 – 4 witeri Pünkt im Rucksack

Üse erst Match vom Tag heimer gägä Lok gha. Mir si am Ahfang rächt zögerlech is Spiu gstartet u hei üsne Gägner mängisch bitz z viu Platz glah, ufgrunddesse isch Lok mit ere 1-0 Füährig it Haubzitpouse gange. Nachere Ahsprach vo üsne Trainer heimer im 2te Drittu üses können chönne bewiise u hei innert ere Minute das Spiu für üs kehrt. So simer am Schluss miteme 2:1 da Gstange u hei di nächste 2 Pünkt heighout.

Üse 2 Match vom Tag heimer gägä t Visper Lions gha. Hie heimer gad am Ahfang das Spiu rächt chönne Dominiere u si Dankeme erste Träffer mit eme 1:0 it Haubzitpouse gange. Ou zu beginn vor zwöite Haubzit heimernis guet chönne instaliere u somit isch när ou z 2:0 gfalle. Nach vilne Strafe vom Gägner heimer üses System churzzitig nümm so im Griff gha wodurch t Visper in ungerzahl zumene 2:1 ufghout het. Miteme 2:1 für üs isch z Spiu när z ändi gsi u mir hei a däm Tag 4 Pünkt chönne heinäh.

Heja Lejon