U21 – 2 Punkte in Visp

Üse erscht Match im 2024 heimer gäge d‘Caps gha. Mir hei dä Match unbedingt wöue gwinne wöus ds letsche mau unentschide het gändet. Somit simer oh mit viu Wiue u Energie ih dä Match gstartet. Mir hei äs guet Spiu gspiut u üsi Ziu erreicht. Am Schluss heimer ds Spiu mit 2:1 gwunne.
Dr zwöit Match heimer gäge Giffers gha. Di erschti Haubzit heimer leider chli säuber vergäh u si somit näre oh mit em ne Rückstand it Pouse. Ir zwöite Spiuheufti het jedoch näre jedi Spielerinn zeigt das mir dä Match no wei gwinne. Somit heimer se näre guet chönne dominiere u hei viu gfährlechi Chancene gha. Jedoch het nis ds nötige Glück gfäut füre ä Ahschlussträffer, somit heimir dä Match mit 2:3 verlore.