Juniorinnen U17 A mit Derby Sieg gäge d Skorps!!!!

Z erschtä Drittu het chli nervös gstartet, mir si nach wenige Minute leider scho 1:0 i Rückstand gange. Doch mir hei ä guäti Reaktion zeigt und si bis zur Pousä zum 2:1 cho.

Iz 2. Drittu si mir sehr guät gstartet und hei o witeri Goals erziehlt und so dr Vorsprug vergrösseret u si mitemnä 5:2 i di 2. Pousä gangä. Ir Pousä hei mir sehr Positivi Rückmäudig vo dä Trainer becho.

Im 3. Drittu hei mir di erschtä 15 minute sehr guät gspilt, aber leider kes Goal meh geschossä, derführ hinger guät ichä gstande u o kenä becho. Doch di nächschtä 5 Minute hei mir chli nachegla, da sie o dr Goali usä gno hei und sehr si cho Druck machä. So hei sie 2 Goals erziehlt und äs isch 5:4 gstandä. Miterä guätä Reaktion hei mir när zum Glück 2 Goals uf z läre Goal gschosse.
Somit gwinne mir dä Mätsch mit 7:4.

Mitem Sieg hüt hei mir üs dr erscht Platz ir Tabelle gsicheret. Itz erholä mir üs guät für z nächschtä Spiu am 21. Dezember wo mir z Winterthur hei.

Noemi & Maelle