Wo mir ir Garderobe si iitroffe isch dä Ruum vou motivierendi Sprüch gsi u 7 Smilies heinis ah glachet. Nachäre chline Verspätig, isch oh d’Rebä üsi hüttegi Versterichig im Trainerstuff ihtroffä. Nach der Teambesprächig si Laura, Svenja u Sara vor U21 uftouchch u hei üs ar Bande ungerstützt. E mega schöni Überraschig. Nachdäm mir üs aui begrüässt hi, si mir ahschliässend ga ihloufä. Wo üsi Muskle gnue warm si gsi, simer uf ds Fäud ga luäge, das sech üsi cheuänä ah Bodä gwahnä u si Füür föh. Drufache hei mir ds erschte mau ds Vergnüäge gha, wie di grossä dörfä ih z loufä. Sogar di 1. Linie isch mit de Starting Six vorgsteut wordä. Nachem Spiustart het sech d Närvosität langsam gleit. Ir 2te Heufti vom 1. Drittu hei mir mit üserä Leistig nachägla u so simer miteme 1:0 Rückstang id Pousä. Mir hei gwüsst, dass definitiv meh müglech isch u jedi nomau muäs  Vougas gä!! Oh dr Start vom 2. Drittu isch verhautä gsi aber am Ändi vo däm Drittu hei mir üs när zum 2:2 Usglich ufe spiut. Nachdäm mir im 2. Drittu no nid ganz üses Spiu hei gspiut, isch ds 3. Drittu derfür umso besser gsi. Lang isch ds Spiu usglichä gsi, bis d Jets doch no äs Goal hei chönne schiässe… ABER mir hi aui gwüssd, dass mir naach ar Verlengerig si u für diä nume no 1 Goal müässe schiässe. Da hei mir natürläch aui nomau 110% meh gä. U tatsälech schiässe mir ih dä letschdä Minutä vom 3. Drittu mit 6 gäge 5 Fäudspieler ( Goalie isch dusse gsi)  äs Goal dür d’Aline. Ir churze Pouse vor der Verlengerig, hi mir no iinisch so richtig chöne Schnuuf näh, bevor di intensivi Verlengerig het gspartet. Mir si guät id Verlengerig gstartet aber hei leider das cheibä Goal nid gmacht, obwou d’Chancene wäre da gsi. Nachärä zersch nid ganz optimalä Position het doch när d’Spielerin mit der Nummer 5 vo dä Jets äs (müässemer scho zuä gä ) schöns Goal ungerd Lattä erziut. Mit chli enttüschte Gsichter ischs när wi bidä grossä mit der Bekanntgab vo de Bestplayer witergangä. Hüt isch das bi üs d Lara gsi.

Nachem churze Ustusch mit Fans wie Familie, Fründe usw. hei mir när no äs schöns Erinnerigsfoto gmacht.

Bim nächschte Match möchte mir aber das JEDI ah, oder o chli über ihri Gränze geit u das mir dr Sieg nid wieder so knapp verpassä.  Für das mir das erreichä, trainiere mir nächst Wuche bsungers uf d’Explosivität u d’Abschlüss uf ds Goal.

Dr Match heit üs aber im grossä u ganzä zfridästeuend dünkt, mir wüsse a was das mer müesse schaffe u trotz auem nähme mir das Punkt gärn mit hei.

 

Autoren: Lynn u Selina