Früeh am Morge simer aui müed und verschlafe uf Zug gfahre. Vouer Vorfröid uf dä erscht Match gäge Beo. Nachdäm mir z Zug ahcho si hei mir üs und d’Garderobe parat gmacht. Trotz üsere Nervosität sie mir super ih Match gstartet. Nach ehm 1. Drittu isch 1:1 gsi. Mit nöie Vorsätz si mir itz 2. Drittu. Kurz vor der Pouse hei mir leider no dr Usglich zum 2:2 übercho. Ds letschte Drittu heimer mit nöie Linie gstartet. Dank üsem Teamgeist hei mir vom 2:4 no es 4:4 mit ämene super freistoss chönne schiesse. Und somit sie mir id Verlengerig cho. Trotz super Chance hei mir leider nach 6 Minute verlore. Somit isch ds Endresutat 5:4 für Beo. Auem ih auem sie mir z fride mit üs und mir fröie üs scho ufe nächscht U17a Match.

Autor: Schüpbach Stefan