Üses Moto für dä Tag isch gsie
„Mir gö winä Ferrari“.
Üse Ferrari isch am Afang aber grad chli ufbockt. Zug isch mit äm nä Doppuschalg ihr 9. Minute i Füehrig. Bis zur 17. Minute isches äs usglichnigs Spiu gsie. D’Lynn Schüpbach mit dr Nummer 26 schiesst suber mit em Pass vor Selina Moser (25) unger d Latte. Mit grosser Freud spiele mir di letschte 3. Minute vom 1/3. Das isch dr Grund gsie das mir nid 100% bir Sach si gsie. Zug nützt das schamlos us u erziut 19.58 us üsere Sicht würcklech äs „schiss Gou“. Mit däm Resultat si mir i di ersti Pouse. D’Stimmig ihr Garderobe isch grad chli im Käuer gsie. Dür di Ufmunterigä Wort hei mir üse Ferrari wieder tankt u si mit erhobener Brust use ufs Fäud zrück cho.
Mit dr hütige Linie 1 si mir is 2/3 gestartet. Mit schnäue Sprints und äm nä guete zämme spiu belohne si sech ihr 1. Minute mit em nä Gou. Dr Pass chunt vor Leonie Moser (2) u schnäu use drähit schiesst üsi Lynn Schüpbach (26) ihres wi ou üses 2. Gou vom hütige Tag. Vore mache mir eigentlich guet Druck aber wärs haut vore nid macht bechunts hinger. So mit isch 4:2. I dä letste 7 Minute si mir feiächli unger Druck gsie heis aber mit viu Glück überstande. Mir gö mit Blauefläcke vo dä vielne Blöck i di zwöiti Pouse. Hervorragend si mir is letste Drittu gstartet. Mit em trainierte Freistoss vom hütige 2. Sturmpaar versänkt d’Rahel Kupferschmied (22) mit em Pass vor Lenya Streun (7)
z 4:3.
Ir 8. Minute kassiere mir ume äs unverdients gäge Gou.
När hei mir gfaitet, äs Time-Out gno u zum Schluss hei mir üse hütig Goalie Leana Neuenschwander (74) usem Gou gno. Leider het hüt aues nümme gnützt. Mit doch gueter Stimmig fahre mir mit em Car ume zrück.

Merci für di Spontani ushiuf vor
Selina Schild und dr
Seline Jost.

Autorinnen: Leana und Lenya