Juniorinnen U17 A: KBUV U14-Cup ¼-Final

Am Friti 29.11.2024 hei mir dr 1/4-Final gägä d’ UHV Skorpion Emmental U17 A gha.

Scho sitem Ihloufä dussä hi mir ä riisä cooli Stimmig im Team gha. Mir hi üs dussä ihgwermt und si aschliessend id Hauä ga ihspilä. Ds Ihspilä isch so mässig guät gloffe aber mir si abem Ahpfiff vou parat gsi und hei bereits nach 15 Sekundä 1:0 i Füärig chönne ga. Mir hei sehr viu Baubsitz gha und hei viu Chancen gha. Dr Zwüschästang vom erstä Drittu isch 2:0 für UH Lejon Zäziwil.

Witerhin super si mir ids zwöite Drittu gstartet. Scho nach 3 Minutä chöi mir üsä Vorsprung vergrösserä. Somit isch 3:0 gstangä. Wäg ämene Eigäfähler vo üs chöi d’Skops ihrs erste Goal ir 24 Minutä erzihlä. Dr Räst vom Drittu glingt üs wider besser und mir chöi zwöi witeri Goal schiessä.

Mir starte mit 5:1 ids drittä Drittu. Mir hi ds drittä Drittu souverän gstartet und machä ir 44 Minutä ds 6:1. Nur 1 Minutä speter chöi d’Skorps uf 6:2 erhöchä. Doch ab den hei mir wider dr Lead übernoh und schiesse vor Matchändi 2 witeri Goal. Somit gwinne mir dä Match 8:2.

Nachem Match si mir üs no guät ga Usdehnä und machä üs itzä ready fürä Spitzäkampf gägä d’ Unihockey Kloten-Dietlikon Jets am Sunnti. Dank däm 8:2 Sieg gägä d’UHV Skorpion Emmental stöh mir itzä im KBUV-Cup 1/2-Fianu. WITER SO LEJON!

Autorinnen: Selä + Kira

Das Spieltableau des Cups findest du auf der Seite des kantonalbernischen Unihockeyverbands:
Kantonalbernischer Unihockeyverband KBUV – Auslosungen U14-Cup